ლაშა ფარულავა: რასაც ვისმენთ, არის ღალატი „ქართული ოცნების“, როცა ახდენს საერთაშორისო სასამართლოების გადაწყვეტილების რევიზიას, რა თქმა უნდა, ამას იყენებს სეპარატისტული რეჟიმი

ბოლო დღეების განმავლობაში რასაც ვისმენთ, ეს არის ღალატი „ქართული ოცნების“, როდესაც ის ახდენს საერთაშორისო სასამართლოების გადაწყვეტილების რევიზიას, როდესაც ომის დანაშაულში ბრალს დებს საქართველოს წინა ხელისუფლებას, – ამის შესახებ „ერთიანი ნაციონალური მოძრაობის“ წევრმა, ლაშა ფარულავამ განაცხადა.

ფარულავას თქმით, „რა თქმა უნდა, ამას იყენებს სეპარატისტული რეჟიმი“.

„ჩვენ ბიძინა ივანიშვილისგან მოვისმინეთ, რომ ის ბოდიშს უხდის მტერს, ოკუპანტს, სეპარატისტს. ამის არტიკულირებული სიუჟეტი უკვე თბილისის ქუჩებშიც ვიხილეთ, როცა „ქართული ოცნების“ მხარდამჭერები ამბობენ ომის დღეებში – „დიდება პუტინს“. ეს არის იმ მძიმე მოღალატეობრივი პოლიტიკის შედეგი, რომელსაც 14 წელია, ატარებს „ქართული ოცნება“, – განაცხადა ფარულავამ.