კომისიის სხდომას დღესაც დავუთმობთ ადამიანების მიმართ არაადამიანურ მოპყრობაზე საუბარს, მათი წუხილები იქნება გამოთქმული, თუ რა პირობებში მოუწიათ 2003-2012 წლებში რეჟიმის წინააღმდეგ ცხოვრება - ალექსანდრე ტაბატაძე

კომისიის სხდომას დღესაც დავუთმობთ ადამიანების მიმართ არაადამიანურ მოპყრობაზე საუბარს, მათი წუხილები იქნება გამოთქმული, თუ რა პირობებში მოუწიათ 2003-2012 წლებში რეჟიმის წინააღმდეგ ცხოვრება, - განაცხადა პარლამენტის თავდაცვისა და უშიშროების კომიტეტის თავმჯდომარემ, 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებით საგამოძიებო კომისიის წევრმა ალექსანდრე ტაბატაძემ.

„კომისიის მიზანი, სწორედ ის არის, რომ საზოგადოებისთვის ეს ცხადი იყოს. ცხადი იყოს იმ ახალგაზრდებისთვისაც, რომლებიც ამ მოვლენებთან დაკავშირებით ინფორმირებული არ იყვნენ და ჩვენი მიზანი ის არის, რომ ერთხელ და სამუდამოდ ჩვენს ქვეყანაში არასოდეს განმეორდეს მსგავსი და ვერც ერთმა ხელისუფლებამ ვერ გაბედოს თავის საკუთარ ხალხს მოექცეს ისე, როგორც იქცეოდა აღნიშნული რეჟიმი“, - აღნიშნა ალექსანდრე ტაბატაძემ.