კანონის მოთხოვნას ვინც არ შეასრულებს, პასუხი უნდა აგოს, ხაზარძეს არ უნდა პასუხის გაცემა, ადამიანები, რომლებიც ციხეში ისხდნენ, მისი მეშვეობით როგორ კარგავდნენ ქონებას - გია ვოლსკი

კანონის მოთხოვნას ვინც არ შეასრულებს, პასუხი უნდა აგოს. არც ხაზარძე იქნება გამონაკლისი. არ უნდა ინფორმაცის გაზიარება, ადამიანები, რომლებიც ციხეში ისხდნენ, მისი მეშვეობით როგორ კარგავდნენ ქონებას და ფულად რესურსს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

ვოლსკის თქმით, კანონის მოთხოვნის დარღვევაზე პასუხისგება მოუწევს ყველას, მიუხედავად მისი პოლიტიკური ბეგრაუნდისა.

„ხაზარაძე პოლიტიკური ფიგურა მას შემდეგ გახდა, რაც თაღლითობა ჩაიდინა. ნებისმიერ ადამიანს ჰკითხეთ, რას ნიშნავს საკუთარი ბანკიდან ფულის სესხება, სხვისთვის მიცემა და შემდეგ ამ ფულის დაბრუნება საკუთარ ჯიბეებში. ყველა იტყვის, რომ ეს თაღლითობაა. პოლიტიკურ ქოლგას თუ შეეფარა, ეს არ ნიშნავს, რომ პასუხი არ მოეთხოვება. ვინც არ უნდა იყოს, რა პოლიტიკური ბეგრაუნდიც არ უნდა ჰქონდეს, პასუხს აგებს იმისთვის, რასაც კანონის მოთხოვნის დარღვევა ჰქვია. რა შეხედულება აქვს ხაზარაძეს პარლამენტის ლეგიტიმურობაზე, ეს ვითარებას არ ცვლის, რადგან კანონი და არჩეული პარლამენტი არსებობს. ვინც კანონის მოთხოვნას არ შეასრულებს, პასუხი უნდა აგოს. არც ხაზარძე იქნება გამონაკლისი. არ უნდა ინფორმაციის გაზიარება, ადამიანები, ვინც ციხეში ისხდნენ, მისი მეშვეობით როგორ კარგავდნენ ქონებას და ფულად რესურსს. რა მექანიზმი იყო, ყველამ ვიცით და ამაზე პასუხი უნდა გასცეს. ამ პასუხის გაცემა არ უნდა და ურჩევნია, მისი საქმე სასამართლოზე გაირჩეს“, – აღნიშნა გია ვოლსკიმ.

ცნობისთვის, საქართველოს პროკურატურამ საქართველოს პარლამენტის დროებითი საგამოძიებო კომისიის კანონიერი მოთხოვნის შეუსრულებლობის ფაქტზე მამუკა ხაზარაძეს ბრალდება წარუდგინა.