კახა კალაძე: ჩვენ არ შევუერთდებით სანქციებს, იმიტომ რომ სანქციებზე მიერთება ნიშნავს ქვეყნის ეკონომიკის დანგრევას და საქართველოს გაღატაკებას

საქართველოს მიერ რუსეთისთვის სანქციების დაწესებასთან დაკავშირებით სტრასბურგის რეზოლუცია გათვალისწინებული არ იქნება - აცხადებს "ქართული ოცნების" გენერალური მდივანი და თბილისის მერი.

კახი კალაძე განმარტავს, რომ ეს ნაბიჯი საქართველოს სახელმწიფოსთვის დამაზიანებელი იქნება, რის გამოც ის არ შესრულდება.

"ჩვენ არ მივუერთდებით სანქციებს, იმიტომ, რომ ეს აზიანებს ქვეყანას, ეკონომიკას და ჩვენი ქვეყნის მოქალაქეებს. დავიცავთ საქართველოს ინტერესებს. სანქციებზე მიერთება ნიშნავს ქვეყნის ეკონომიკის დანგრევას, საქართველოს გაღატაკებას, ეს ვისზე აისახება? - რიგითი ადამიანების ოჯახებზე, ჯიბეებზე," - განაცხადა კახა კალაძემ.