ჯანმრთელობის დაცვისა და სოციალურ საკითხთა კომიტეტი დღეს გასვლით სხდომას ჩაატარებს, სადაც მიხეილ სარჯველაძეს მოუსმენენ

ჯანმრთელობის დაცვისა და სოციალურ საკითხთა კომიტეტი დღეს გასვლით სხდომას ჩაატარებს. აჭარის უმაღლესი საბჭოში პარლამენტის ჯანდაცვის კომიტეტის წინაშე მიხეილ სარჯველაძე წარდგება.

განსახილველ საკითხებს შორის არის დემოგრაფიული მდგომარეობის გაუმჯობესების ხელშეწყობის მიზნობრივი სახელმწიფო პროგრამა, ტყვიით მოწამვლის პრევენციის და ტყვიაზე მდგრადი ზედამხედველობის სისტემის შექმნის საკითხები, ასევე ჯანდაცვის მინისტრი სახელმწიფო სამედიცინო ჰოლდინგის საქმიანობის ანგარიშს წარადგენს.