ირაკლი კობახიძე: ანაკლიის პორტის პროექტზე მუშაობა გრძელდება, გვინდა, ქვეყნისთვის მაქსიმალური სარგებელი მივიღოთ, პროექტი არ ფერხდება, მოლაპარაკებებსაც ბოლომდე მივიყვანთ

ანაკლიის პორტის მშენებლობის პროექტთან დაკავშირებით ძალიან აქტიურად მუშაობს ეკონომიკის მინისტრი, ეკონომიკის სამინისტრო, – ამის შესახებ საქართველოს პრემიერ-მინისტრმა, ჟურნალისტებს განუცხადა.

როგორც პრემიერმა აღნიშნა, სამუშაოები გრძელდება და მოლაპარაკებებიც ბოლომდე იქნება მიყვანილი.

„ანაკლიის პორტის მშენებლობის პროექტთან დაკავშირებით ძალიან აქტიურად მუშაობს ეკონომიკის მინისტრი, ეკონომიკის სამინისტრო. ჩვენ გვინდა, მაქსიმალური სარგებელი მივიღოთ ქვეყნისთვის, ქვეყნის ბიუჯეტისთვის, ქვეყნის ეკონომიკისთვის. ასეთ პირობებში, თავისი დრო მიაქვს მოლაპარაკებებს, თუმცა ეს არის საჭირო, აუცილებელი. საბოლოო ჯამში, ყველაფერი დასრულდება ისე, როგორც არის საჭირო. მთავარია, რომ ამის მიუხედავად, არ ფერხდება პროექტის განხორციელება, გრძელდება დაღრმავების და ტალღმჭრელების მოწყობის სამუშაოები, რაც კეთდება ჩვენი რესურსით. ეს სამუშაოები გრძელდება. ბოლომდე მივიყვანთ მოლაპარაკებებსაც“, – განაცხადა ირაკლი კობახძემ.