ირაკლი კირცხალია საპარლამენტო უმრავლესობის ლიდერად და ფრაქცია „ქართული ოცნების" თავმჯდომარედ აირჩიე

საპარლამენტო უმრავლესობის თანამდებობაზე მამუკა მდინარაძე ირაკლი კირცხალიამ შეცვალა.

აღნიშნულის შესახებ საქართველოს პარლამენტის ბიუროს დღევანდელ სხდომაზე გახდა ცნობილი.

„ცნობად ვიღებთ „ქართული ოცნების“ ფრაქციის თავმჯდომარედ ირაკლი კირცხალიას არჩევას. ვულოცავთ მას. დიდი პასუხისმგებლობაა და წარმატებას ვუსურვებთ. წლების განმავლობაში მამუკა მდინარაძის წარმატებული საქმიანობის შემდეგ, მნიშვნელოვანია, ასევე ამავე ტემპით გავაგრძელოთ. ცნობად ვიღებთ ფრაქციის თავმჯდომარის პირველ მოადგილედ ლევან მაჭავარიანის, ხოლო მოადგილედ იოსებ ჯორბენაძის არჩევას. მათაც ვულოცავ და წარმატებულ საქმიანობას ვუსურვებ“, – განაცხადა შალვა პაპუაშვილმა.

ცნობისთვის, სახელმწიფო უსაფრთხოების სამსახურის ხელმძღვანელის თანამდებობაზე საქართველოს პრემიერ-მინისტრმა, ირაკლი კობახიძემ მამუკა მდინარაძის კანდიდატურა 23 აგვისტოს  წარადგინა.

პარლამენტმა მამუკა მდინარაძე სუს-ის ხელმძღვანელად დღეს დაამტკიცა.