ირაკლი კირცხალია საფრანგეთის ელჩის განცხადებაზე: არადიპლომატიური, დესტრუქციული და პირდაპირ შიდა საქმეებში ჩარევაა

ფრაქცია „ქართული ოცნების" თავმჯდომარის პირველი მოადგილე, ირაკლი კირცხალია საქართველოში საფრანგეთის ელჩის შერაზ გასრის განცხადებას აფასებს, რომელმაც პოლიციელებზე თავდამსხმელები „უსამართლოდ დაკავებულ პატიმრებად" მოიხსენია და განაცხადა, რომ რომ საქართველოში „კრიზისია". მისი თქმით, ელჩის განცხადება არადიპლომატიური და დესტრუქციულია.

„ასეთი პოლიტიკური განცხადება და კიდევ ერთხელ ღიად, თავხედურად და ნათლად ჩარევა ქვეყნის შიდა საქმეებში იმ საკითხზე, სადაც პირდაპირ იკითხება ის ორმაგი სტანდარტი და ის უსამართლო მიდგომა, რასაც საქართველო შეეჩვია განსაკუთრებით 2022 წლის შემდეგ, უბრალოდ, მინიმუმ რომ ვთქვათ, არადიპლომატიური და დესტრუქციულია“, - აღნიშნა ირაკლი კირცხალიამ.