„ინტენსიურად ვრცელდება დეზინფორმაცია მედიასა და სოციალურ ქსელებში - მანიპულაციური და დაუსაბუთებელი ინფორმაციის გავრცელება კამპანიური ხასიათისაა და ამომრჩევლის შეცდომაში შეყვანას ისახავს მიზნად“ - ცესკოს პრესსპიკერი

ცენტრალურ საარჩევნო კომისიაში ბრიფინგი გაიმართა. პრესსპიკერის, ნათია იოსელიანის განცხადებით, ინტენსიურად ვრცელდება დეზინფორმაცია მედიასა და სოციალურ ქსელებში.

"მანიპულაციური და დაუსაბუთებელი ინფორმაციის გავრცელება კამპანიური ხასიათისაა და ამომრჩევლის შეცდომაში შეყვანას ისახავს მიზნად. საარჩევნო ადმინისტრაციისთვის მნიშვნელოვანია, რომ პროცესის შესახებ საზოგადოებას ჰქონდეს ზუსტი ინფორმაცია", - აღნიშნა ნათია იოსელიანმა.

მისი თქმით, საარჩევნო ადმინისტრაცია საზოგადოებას, ეტაპობრივად, დეტალურად მიაწვდის ინფორმაციას გავრცელებული დეზინფორმაციის შესახებ.