გვარამია და სხვები ახლა ქუჩას ამბობენ, რადგან ჰგონიათ, რადიკალური სცენარებით წარმატებას მიაღწევენ, მაგრამ ხელმოცარული დარჩებიან, ხელმოცარულობა მათი სამარკო ნიშანია - იონათამიშვილი

გვარამია და სხვები ქუჩაშიც და შენობებშიც ძალიან უხერხული სანახავი არიან, – ამის შესახებ საქართველოს პარლამენტის ადამიანის უფლებათა დაცვის კომიტეტის თავმჯდომარე რატი იონათამიშვილმა  საქართველოს პირველ არხს განუცხადა.

მისივე თქმით, ამ ადამიანებს არც ქუჩაში და არც შენობაში ოპონირების უნარი და პოტენციალი არ გააჩნიათ.

„ახლა ქუჩას ამბობენ, რადგან ჰგონიათ, რომ რადიკალური სცენარებით რაიმე წარმატებას მიაღწევენ, მაგრამ აქაც ხელმოცარული დარჩებიან. როგორც ჩანს, ხელმოცარულობა მათი სამარკო ნიშანია. ასეთი ანტიდემოკრატიული ძალები რაც უფრო ხელმოცარულები იქნებიან, კარგია“, – განაცხადა რატი იონათამიშვილმა.