გიორგი ვოლსკი „ლელოს“ პოსტებზე ფარულად დახარჯულ თანხაზე: როდესაც კანონს შეგნებულად არღვევენ, ეს არის ერთ-ერთი მეთოდი, რომელიც წინასწარ მოლაპარაკებულს ჰგავს

პარლამენტის პირველი ვიცე-სპიკერი გიორგი ვოლსკი „ლელოს“ მიერ სოციალურ ქსელში პოლიტიკურ რეკლამებზე თანხის ფარულად დახარჯვას წინაწარ მოლაპარაკებულ, შეგნებულ კანონდარღვევად აფასებს.

„როდესაც კანონს შეგნებულად არღვევენ, ეს არის ერთ-ერთი მეთოდი, რომელიც წინასწარ მოლაპარაკებულს ჰგავს, რომ როგორმე შექმნან დაპირისპირების გარკვეული ხარისხი, რაღაც ქაოტურ ვითარებაზე მიუთითონ და შექმნან ისეთი ატმოსფერო, რომელიც შესაძლოა, ოდესმე ვინმემ დაახასიათოს, შეაფასოს, როგორც არჩევნების წინა პერიოდის ნაკლოვანება. მაგრამ საიდან მოდის ეს ნაკლოვანება, საიდან ხდება ამ კონფლიქტების და დაპირისპირების დაგეგმვა და რეალიზაცია, ეს მეორე პლანზე გადავა”, - განაცხადა გიორგი ვოლსკიმ.