გიორგი გახარია მიმართვას ავრცელებს

დიდი მადლობა თითოეულ თქვენგანს მხარდაჭერისთვის, ჯანმრთელობის მხრივ ნორმალურად ვარ, – ამის შესახებ პარტია „გახარია საქართველოსთვის“ ლიდერი გიორგი გახარია სოციალურ ქსელში წერს.

მისივე თქმით, მხარდაჭერა უპირველესად უკანონო პატიმრებს სჭირდებათ.

„დიდი მადლობა თითოეულ თქვენგანს მხარდაჭერისთვის. ჯანმრთელობის მხრივ ნორმალურად ვარ. დღეს, პირველ რიგში, უკანონო პატიმრებს სჭირდებათ ჩვენი მხარდაჭერა. დანარჩენი მოგვიანებით“, – წერს გახარია.

ცნობისთვის, გიორგი გახარიას ბათუმში თავს დაესხნენ. ინფორმაცია საქართველოს პირველ არხს პარტიის პრესსამსახურში დაუდასტურეს. გიორგი გახარიაზე თავდასხმის ფაქტზე შინაგან საქმეთა სამინისტრომ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.