განცხადება კანონპროექტის უკან გაწვევის შესახებ კარგი ნიშანია - ჟოზეფ ბორელი

საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, ჟოზეფ ბორელის განცხადებით, „უცხოური გავლენის გამჭვირვალობის შესახებ“ კანონპროექტის უკან გაწვევა კარგი ნიშანია, ამას უნდა მოჰყვეს კონკრეტული სამართლებრივი ნაბიჯები.

„ქართველები გავიდნენ ქუჩებში, რათა გამოხატონ საკუთარი სწრაფვა დემოკრატიისა და ევროპული ღირებულებებისკენ. ეს მშვიდობიანი პროტესტი იყო ძლიერი და თვალსაჩინო. განცხადება „უცხოური გავლენის გამჭვირვალობის შესახებ“ კანონპროექტის უკან გაწვევის შესახებ კარგი ნიშანია, ამას უნდა მოჰყვეს კონკრეტული სამართლებრივი ნაბიჯები“, - წერს ბორელი Twitter-ზე.

შეგახსენებთ, „ქართულმა ოცნებამ“ „ხალხის ძალის“ მიერ ინიცირებული პირველი მოსმენით მიღებული კანონპრეოქტი გაიწვია.

Georgians took the streets to express their aspiration for democracy and European values. These peaceful protest were strong and moving to see.

Announcement to withdraw the draft law on “transparency of foreign influence" is a good sign, now concrete legal steps need to follow. pic.twitter.com/Zi4NJST6iZ

— Josep Borrell Fontelles (@JosepBorrellF) March 9, 2023