"ეს არის ტყუილებით და სიცრუით გაჯერებული, დაკვეთილი სტატია, რომელშიც გრანტია დახარჯული" - დავით მათიკაშვილი Byline Times-ის სტატიაზე

პარლამენტის საპროცედურო საკითხთა კომიტეტის თავმჯდომარის, დავით მათიკაშვილის განცხადებით, Byline Times-ის სტატია, სადაც ავტორი ბიძინა ივანიშვილის რუსულ კავშირებზე მიანიშნებს, "ტყუილებით და სიცრუით გაჯერებული, დაკვეთილი სტატიაა, რომელშიც გრანტია დახარჯული".

მისი განმარტებით, სწორედ ტყუილების ტირაჟირებაში იხარჯება უცხოური გრანტები.

"ეს არის ტყუილებით და სიცრუით გაჯერებული, დაკვეთილი სტატია, რომელშიც გრანტია დახარჯული. აი რეალურად სად იხარჯებოდა გრანტები ამ პირებისგან და სად აგრძელებენ ამ გრანტების ხარჯვას - ტყუილის პროპაგანდაში, სისულელეების და სიცრუის ტირაჟირებაში. ბუნებრივია, საზოგადოებას არ სჯერა ამ ყველაფრის. წერონ და იკითხონ რამდენიც უნდათ. კიდევ ერთხელ ადასტურებენ საკუთარ აგენტურულ მოცემულობას ის პირები, რომლებიც უკვეთენ ასეთ სტატიებს, კაპანაძეები იქნებიან ეს ხიდაშელები თუ ა.შ. მათი მხარდამჭერები, "დიფ სთეითის" წიაღში მოაზრებული ჟურნალისტები, უცხოეთიდან ასრულებენ შეკვეთილ, თანხობრივად უზრუნველყოფილ სტატიებს", - განაცხადა დავით მათიკაშვილმა.