ეს ადამიანები თუ პოლიტიკურ ველზე არ გამოვლენ, მითუმეტეს ადგილობრივ არჩევნებში, აუტსაიდერებიდან ოფსაიდში დატოვებულები დარჩებიან - გიორგი ვოლსკი ოპოზიციაზე

ეს ადამიანები [ოპოზიცია] თუ პოლიტიკურ ველზე არ გამოვლენ, მითუმეტეს ადგილობრივ არჩევნებში, აუტსაიდერებიდან ოფსაიდში დატოვებულები დარჩებიან, - ასე გამოეხმაურა საქართველოს პარლამენტის პირველი ვიცე-სპიკერი გიორგი ვოლსკი ოპოზიციის გადაწყვეტილებას, რომ თვითმმართველობის არჩევნებში მონაწილეობას არ მიიღებს.

„ეს არ არის ოპოზიციის გადაწყვეტილება, ეს არის ინსტრუქცია. დაპირისპირება მსოფლიო მასშტაბით გრძელდება. „დიფ სთეითმა“, ანუ „გლობალური ომის პარტიამ“ კვლავ ძალები მოიკრიბა, ფინანსური რესურსიც და საქართველო არის ამ ფრონტის დაპირისპირების მცირე სეგმენტი. ამ სეგმენტზე ტრიალებენ ადამიანები, მარიონეტები, რომლებიც ასრულებენ „დიფ სთეითის“ დავალებას. ეს ადამიანები [ოპოზიცია] თუ პოლიტიკურ ველზე არ გამოვლენ, მითუმეტეს ადგილობრივ არჩევნებში, აუტსაიდერებიდან ოფსაიდში დატოვებულები დარჩებიან“, - აღნიშნა ვოლსკიმ.