ერთი სიტყვა არ დასცდენია, რა კატასტროფის წინაშე აღმოჩნდება ქართველი ხალხი, სამაგიეროდ შეშფოთება გამოთქვა, რომ ჩვენ უკრაინა არ ვართ, სამხედრო ძალა არ გაგვაჩნია, ეგ გახდება დასავლეთის პრობლემა - ზურაბ ქადაგიძე ზურაბიშვილის განცხადებაზე

"ხალხის ძალის" წევრი ზურაბ ქადაგიძე სალომე ზურაბიშვილის ვარშავის უსაფრთხოების ფორუმზე გაკეთებულ განცხადებას ეხმიანება, რომლის თქმითაც, რუსეთის მიერ საქართველოს წინააღმდეგ სამხედრო ოპერაციის დაწყება დასავლეთისთვის კიდევ ერთი კრიზისი იქნება.

როგორც ქადაგიძე აღნიშნავს, ერთი სიტყვა არ დასცდენია, რა უბედურება დაატყდება საქართველოს, სამაგიეროდ შეშფოთება გამოთქვა.

"სალომე ზურაბიშვილი: რუსეთის მიერ საქართველოს წინააღმდეგ სამხედრო ოპერაციის დაწყება დასავლეთისთვის კიდევ ერთი კრიზისი იქნება. ერთი სიტყვა არ დასცდენია, რა უბედურება დაატყდება საქართველოს, რა კატასტროფის წინაშე აღმოჩნდება ქართველი ხალხი, სამაგიეროდ შეშფოთება გამოთქვა, რომ ჩვენ უკრაინა არ ვართ, ჩვენ სამხედრო ძალა არ გაგვაჩნია, ეგ გახდება დასავლეთის პრობლემა… ამიტომაც, სამხედრო პოტენციალის არმქონე საქართველო რომ არ გახდეს დასავლეთის პრობლემა და კრიზისის მაპროვოცირებელი, ამოცანის გადაჭრის ყველაზე მარტივი გზა არსებობს - საქართველოში დაინიშნოს "აგენტოკრატი" ხელისუფლება და კრიზისის თავიდან აცილების მიზნით, მალევე დავაკლათ ზედ გეოპოლიტიკურ ინტერესებს. არანაირი პირადული, მხოლოდ პოლიტიკა - კრიზისის გადაჭრის მარტივი გზა ახსნა ზურაბიშვილმა. P.S. დედალი ორჯონიკიძეა, ეს გენმოდიფიცირებული!" - წერს ზურაბ ქადაგიძე სოციალურ ქსელში.