დონალდ ტრამპმა სირიისთვის დაწესებული სანქციები, შესაძლოა, შეამსუბუქოს - The Times

აშშ-ის პრეზიდენტმა, დონალდ ტრამპმა სირიისთვის დაწესებული სანქციები, შესაძლოა შეამსუბუქოს. ინფორმაციას The Times-ი ავრცელებს.

გამოცემის ცნობით, ამის სანაცვლოდ სირიის ლიდერმა აჰმედ ალ-შარაამ ამერიკის პრეზიდენტს მინერალების შეთანხმების გაფორმება და საკუთარ ქვეყანაში არსებული ბუნებრივი რესურსების გამოყენება შესთავაზა.

The Times-ის ინფორმაციით, ალ-შარაამ დამასკოში Trump Tower-ის აშენების შესაძლებლობის საკითხიც დააყენა. ეს შეთავაზებები, სირიის ლიდერმა ამერიკის პრეზიდენტს შუამავლების მეშვეობით გადასცა.

როგორც The Times-ი იუწყება, აჰმედ ალ-შარაამ პრეზიდენტ ტრამპთან პირისპირ შეხვედრის სურვილსაც გამოთქვამს, თუმცა ის ოფიციალური ვაშინგტონის მიერ, ამ დრომდე ტერორისტად განიხილება.