ცნობილი ქართველი ჟურნალისტი გარდაიცვალა
1734898872
დასაჯო პარტია იმისთვის, რომ არჩევნებზე კარგი შედეგი ჰქონდათ, ეს არ არის ჩემი მსჯელობის გზა - ლუქსემბურგის საგარეო საქმეთა მინისტრი
დასაჯო პარტია იმისთვის, რომ არჩევნებზე კარგი შედეგი ჰქონდათ, არ არის დღეს მსჯელობის საგანი,- ამის შესახებ ლუქსემბურგის საგარეო საქმეთა მინისტრმა ქსავიე ბატელმა, ბრიუსელში, ევროკავშირის საგარეო საქმეთა მინისტრების შეხვედრის დაწყებამდე განაცხადა.
მისი თქმით, სურს მოისმინოს, იყო თუ არა საქართველოში ჩატარებულ არჩევნებზე დარღვევები. რადგან არჩევნებს ასობით დამკვირვებელი აკვირდებოდა.
„მე ცოტა ვშიშობ, რომ არჩევნები უნდა დავასანქციროთ. რადგან, გულწრფელი რომ ვიყო, პირველ რიგში მინდა მოვისმინო იყო თუ არა დარღვევები. ასობით დამკვირვებელი იყო არჩევნებზე და ჩემთვის მნიშვნელოვანია ვიცოდე არჩევნები გაყალბდა თუ არა.
ის რომ არ მოგვწონს არჩევნების შედეგები და ამიტომ ახლა უნდა დავსაჯო ისინი, ჩემთვის მიუღებელია. ასევე ჩემთვის მიუღებელია საქართველოს ხელისუფლების ქცევა. მიუღებელია ოპოზიციის შევიწროება, დემონსტრანტების დასჯა და ასეთი ძალადობა. აი, ესაა ჩემთვის მიუღებელი. ამიტომ უნდა დავსაჯოთ პასუხისმგებელი პირები. მაგრამ დასაჯო პარტია, იმისთვის, რომ არჩევნებზე ჰქონდათ კარგი შედეგი და ჩვენ გვერჩივნა კარგი შედეგი არ ჰქონოდათ, ეს არ არის ჩემი მსჯელობის გზა. ჩვენ დარბაზში უნდა ვიმსჯელოთ და 27-მა წევრმა მივიღოთ გადაწყვეტილება. ეს კი ყოველთვის ადვილი არ არის“, - განაცხადა ლუქსემბურგის საგარეო საქმეთა მინისტრმა.
