დარწმუნებული ვარ, თითოეული თქვენგანისთვის ეს დღეები, ყოველი წუთი, რომელსაც აქ გაატარებთ, იქნება დაუვიწყარი და ნაყოფიერი - ალექსანდრე წულაძე "ჯარის ბანაკის" გახსნის ღონისძიებაზე

"დარწმუნებული ვარ, თითოეული თქვენგანისთვის ეს დღეები, ყოველი წუთი, რომელსაც აქ გაატარებთ, იქნება დაუვიწყარი და ძალიან ნაყოფიერი, ძალიან ბევრის მომცემი თითოეული თქვენგანისთვის", - ეს განცხადება საქართველოს განათლების, მეცნიერებისა და ახალგაზრდობის მინისტრმა, ალექსანდრე წულაძემ "ჯარის ბანაკის" გახსნის ღონისძიებაზე სიტყვით გამოსვლისას გააკეთა.

მინისტრმა მოსწავლეებს მიმართა და თქვა, რომ ამ პერიოდის განმავლობაში დიდ ცოდნასა და გამოცდილებას მიიღბენ.

"დარწმუნებული ვარ, თითოეული თქვენგანისთვის ეს დღეები, ყოველი წუთი, რომელსაც აქ გაატარებთ, იქნება დაუვიწყარი და ძალიან ნაყოფიერი, ძალიან ბევრის მომცემი თითოეული თქვენგანისთვის. დარწმუნებული ვარ, არა მხოლოდ ცოდნის თვალსაზრისით გაიგებთ საქართველოს თავდაცვის ძალების, სამხედრო სისტემის და ასევე, სამოქალაქო თავდაცვის, პირველადი დახმარების და ა.შ. ბევრი საინტერესო თემის შესახებ, ასევე მოისმენთ ძალიან ბევრი ისტორიას, ქართველი ჯარისკაცების საგმირო საქმეებს. პირადად შეხვდებით ჩვენს გმირებს და გექნებათ საშუალება, რომ შეიგრძნოთ და მიიღოთ ინფორმაცია პირველადი წყაროდან," - აცხადებს ალექსანდრე წულაძე.