ჩვენ მოვახერხეთ ძალადობრივი რესურსის მთლიანად განეიტრალება და დღეს ასეთი რესურსი რადიკალურ ოპოზიციას აღარ აქვს, ერთად თავს ვერ უყრიან 2 000 კაცსაც კი, საქართველოში მაიდანი ჩავარდა და არც არასდროს შედგება - ირაკლი კობახიძე

ჩვენ მოვახერხეთ ძალადობრივი რესურსის მთლიანად განეიტრალება და დღეს ასეთი რესურსი რადიკალურ ოპოზიციას აღარ აქვს, - განაცხადა საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე.

მთავრობის მეთაურის თქმით, რჩება ერთადერთი ის, რომ 2000-მდე ადამიანი ყოველდღიურად იკრიბება ხოლმე რუსთაველის გამზირზე.

„მეორე მხარეს არის 1 120 000-ზე მეტი ადამიანი, რომელმაც მხარი დაუჭირა „ქართულ ოცნებას“. 4 პარტია, პლუს ყველაზე მდიდარი NGO-ები ერთად თავს ვერ უყრიან 2000 კაცსაც კი. ეს არის მათი რეალური, მძიმე მდგომარეობა, რაც არის ძალიან კარგი ჩვენი ქვეყნისთვის. საქართველოში მაიდანი ჩავარდა და არც არასდროს შედგება“, - განაცხადა ირაკლი კობახიძემ.