ჩემთვის დეკლარაციაზე ხელის მოწერა გამოიყურება ისე, რომ ვიღაცებს აჩვენონ ერთად ვართო - ჰერმან საბო​

მიხეილ სააკაშვილის განცხადება, სადაც წერია, რომ ის ოპოზიციის ერთიან დეკლარაციას მხარს უჭერს, ოპოზიციაში ახალი უთანხმოების მიზეზია. "გირჩში" აცხადებენ, რომ დეკლარაციაზე ხელის მომწერი პარტიები ცდილობენ ვიღაცებს აჩვენონ ერთად ვართო:

"ქართულ პოლიტიკაში, ჩვენდა სამწუხაროდ, წითელ ხაზებს დიდი მნიშვნელობა არ აქვს ხოლმე, ისინი გაიდღაბნება თუკი საქმემ მოითხოვა. ამისთვის კი მათ ჩაატარეს კვლევა და თუ ნახავენ, რომ ერთად მეტ შედეგს დებენ, მაშინ გაერთიანდებიან, ან თუ ნახავენ რომ ამ შედეგს ვერ დებენ და სავარაუდოდ, ასეც არის, მაშინ ვიხილავთ ორ, ან სამ დაჯგუფებას. მაგალითად, "ახალი" და "ლელო" შეიძლება ერთად იყვნენ, მათთან ერთად ასევე შესაძლოა იყოს "ევროპული საქართველოც". ჩემთვის ამ დეკლარაციაზე ხელის მოწერა გამოიყურება ისე, რომ ვიღაცებს აჩვენონ ერთად ვართო,"- აღნიშნავს საპარლამენტო პოლიტიკური ჯგუფის ”გირჩი” წევრი ჰერმან საბო.

მიხეილ სააკაშვილი ოპოზიციის ერთიან დეკლარაციას მხარს უჭერს. ამის შესახებ ყოფილმა პრეზიდენტმა, 7 ნოემბრის საქმის სასამართლო სხდომაზე ჩართვისას ისაუბრა.