„ზაფხულის ტემპერატურა დაბრუნდება...“ - ნახეთ, უახლოესი დღეების განახლებული პროგნოზი

მეტეოროლოგი - კობა ფარტენაძე, ამინდის ახალ პროგნოზს აქვეყნებს. 

„მიუხედავად მიმდინარე არასტაბილურობისა და გრილი ამინდებისა, რომელიც არის ჩვენი ქვეყნის დიდ ნაწილზე, 26 სექტემბრიდან, დასავლეთ საქართველოში ტემპერატურა დაიწყებს მნიშვნელოვან მატებას და ზაფხულივით ამინდები გვექნება.

26 სექტემბრიდან, დასავლეთ საქართველოში, დიდი ხნით მოსალოდნელია მზიანი დღეები, ტემპერატურა დღისით თვის ბოლო ორ დღეს და ოქტომბრის დასაწყისში +30 გრადუსზე მაღალი იქნება.
ასე, რომ გარუჯვის მოყვარულებისთვის ნამდვილი ხავერდოვანი სეზონის ბედნიერი დღეები დაიწყება, მზის ულტრაიისფერი სხივები ისევ მაღალია.

რაც შეეხება აღმოსავლეთს, ორ დღეში გამოიდარებს, მაგრამ დასავლეთივით არ დაცხება, თუმცა მზიანი დღეები თქვენც გაგახარებთ. გისურვებთ ბედნიერებას“,- წერს მეტეოროლოგი. 

ასევე ნახეთ:

ტემპერატურა 30 გრადუსამდე მოიმატებს - ამინდის განახლებული პროგნოზი ქალაქების მიხედვით