ბრიტანულმა ფონდმა ე.წ. ისფედს გრანტი გამოუყო. ფაქტია, ვიცით, ვინ რას წარმოადგენს, ვინ რისკენ იღვწის. ეს არის ისევ ქაოსი, არეულობა და რევოლუციური სცენარები - ირაკლი ზარქუა

დიასპორისა და კავკასიის საკითხთა საპარლამენტო კომიტეტის თავმჯდომარე, საპარლამენტო უმრავლესობის წევრი ირაკლი ზარქუა დიდი ბრიტანეთის მთავრობის მიერ საგრანტო პროგრამის გამოცხადების ფაქტს ეხმიანება.

„უსამშობლოებისა და აგენტურის გაერთიანება, რომელიც დღემდე არ აქვეყნებს თავის მონაცემებს, ე.წ. ისფედი - ვითომ, ალტერნატიული დათვლები, რაღაც სიგიჟეები მოიგონეს, ფინანსდება და უკვე გრანტი გამოუყო ბრიტანულმა ფონდმა. ფაქტია, ვიცით, ვინ რას წარმოადგენს; ვინ რისკენ იღვწის. ეს არის ისევ ქაოსი, არეულობა და რევოლუციური სცენარები დათესონ ადგილობრივ არჩევნებზე. ეს მათ არ გამოუვათ“, - განაცხადა ზარქუამ.

საქართველოში მუნიციპალური არჩევნების წინ, დიდი ბრიტანეთის საგარეო საქმეთა სამინისტრო საგრანტო პროგრამას აცხადებს, რათა „ხელი შეუწყოს 2025 წლის ოქტომბერში დაგეგმილი საქართველოს მუნიციპალური არჩევნების ეფექტურად ჩატარებას“.