„ბევრ კანდიდატზე გვიმსჯელია გუნდში და შესაძლოა იმაზე ადრე დავასახელოთ პრეზიდენტობის კანდიდატი, ვიდრე წარმოგიდგენიათ“ - მამუკა მდინარაძე

„ქართული ოცნების“ აღმასრულებელმა მდივანმა მამუკა მდინარაძემ, ბრიფინგზე სამომავლო პრეზიდენტობის კანდიდატზე ისაუბრა და აღნიშნა, რომ "ქართული ოცნების" გუნდი ამაზე ბევრს მსჯელობს.

მამუკა მდინარაძის თქმით, გუნდი პრეზიდენტობის კანდიდატს იმაზე მალე წარადგენს, ვიდრე ამას საზოგადოება ელოდება.

„შევეცდებით, ისეთი პრეზიდენტობის კანდიდატი დავასახელოთ, რომელიც თავიდანვე გამორიცხავს იმ ვარაუდს, რომ მანაც არ გაამართლოს, აქედან გამომდინარე, ჩვენ ბევრ კანდიდატზე გვიმსჯელია გუნდში შიგნით და შესაძლოა იმაზე ადრე დავასახელოთ კანდიდატი ვიდრე ეს თქვენ წარმოგიდგენიათ.

შევეცდებით, რომ თარიღის გამოცხადებასთან ძალიან ახლო და შემჭიდროებულ ვადებში ვისაუბროთ ჩვენი პრეზიდენტობის კანდიდატზე,“- აცხადებს მამუკა მდინარაძე.