ასეთი თემების განხილვით, დამატებითი აჟიოტაჟის შეტანა ხდება და, ამ ეტაპზე, ასეთი განცხადებები აბსოლუტურად არამართებულია - ლევან ბეჟაშვილი ნიკა გვარამიას განცხადებაზე

"ფაქტია, რომ ეს მისი ხედვა არის. ეს არ არის ერთჯერადი ხედვა, წინა განცხადებებიც ანალოგიური შინაარსის იყო," - ამის შესახებ "ერთიანობა - ნაციონალური მოძრაობის" დროებითმა მმართველობის საბჭოს წევრმა, ლევან ბეჟაშვილმა განაცხადა, რითაც ნიკა გვარამიას განცხადებას გამოეხმაურა.

ბეჟაშვილის შეფასებით, მსგავსი განცხადებები, ამ ეტაპზე, აბსოლუტურად არამართებულია.

"ოპოზიციური წარმომადგენლების მხრიდან დროდადრო ისეთი განცხადებების გაკეთება, რომელიც საერთოდ არ არის რელევანტური და ადეკვატური არსებულ ვითარებასთან დაკავშირებით, აი, ასეთი თემების განხილვით, დამატებითი აჟიოტაჟის შეტანა ხდება და ვფიქრობ, ამ ეტაპზე, ასეთი განცხადებები აბსოლუტურად არამართებულია," - აღნიშნა ლევან ბეჟაშვილმა.

"აფხაზებს და ქართველებს არ უყვართ ერთმანეთი. ჩვენ ვართ მტრები" - თქვა "კოალიცია ცვლილებებისთვის" ლიდერმა ერთ-ერთ პოდკასტში. გვარამიასა და ოპოზიციის სხვა ლიდერების მხრიდან ანტიაფხაზურ კამპანიაზე საუბრობენ ვეტერანები და აფხაზეთის მთავრობის წევრებიც.