არანაირი დაჯგუფებების შექნის შესაძლებლობა კანონმდებლობით არ არის გათვალისწინებული, ასეთი დაჯგუფებების შექმნა, შესაძლოა, სისხლის სამართლის დანაშაულის ნიშნებსაც შეიცავდეს - გიორგი კახიანი

არანაირი დაჯგუფებების შექნის შესაძლებლობა კანონმდებლობით არ არის გათვალისწინებული. უფრო მეტიც, ასეთი დაჯგუფებების შექმნა, შესაძლოა, სისხლის სამართლის დანაშაულის ნიშნებსაც შეიცავდეს, – ამის შესახებ პარლამენტის იურიდიულ საკითხთა კომიტეტის თავმჯდომარემ, გიორგი კახიანმა საქართველოს პირველ არხს განუცხადა.

„ასეთ საკითხებს ფრთხილად უნდა მოვეკიდოთ. შსს იმისთვის არსებობს, რომ დაიცვას როგორც აქციის მონაწილეთა უფლებები, ასევე სახელმწიფოს უსაფრთხოება. თუ რაიმე დაჯგუფების შექმნაზეა საუბარი, რა თქმა უნდა, იქნება არაკანონიერი და შესაძლებელია, სისხლის სამართლის პასუხისმგებლობაც კი დადგეს. ალბათ შსს-ს ასეთ ჯგუფებზე ინფორმაცია ექნება და კანონის შესაბამისად იმოქმედებენ“, – განაცხადა კახიანმა.