„აქვთ თუ არა სურვილი, მიიღონ მონაწილეობა თვითმმართველობის არჩევნებში, მათ ნებაზე არ არის დამოკიდებული, იმ პერიოდისთვის ეს პარტიები პოლიტიკურ ველზე აღარ იარსებებენ“ - გივი მიქანაძე

განხილვის თემაა მმართველი გუნდის ინიციატივა იმ პარტიების აკრძალვასთან დაკავშირებით, რომლებიც "ანტისახელმწიფოებრივ საქმიანობას ეწევიან". ხელისუფლებაში ფიქრობენ, რომ იმ შემთხვევაში თუ საკონსტიტუციო სასამართლო კონკრეტულ პარტიებს პოლიტიკურ საქმიანობას აუკრძალავს, ისინი თვითმმართველობის არჩევნებში მონაწილეობას ვეღარ მიიღებენ:

"მათ აქვთ თუ არა სურვილი, მიიღონ მონაწილეობა ადგილობრივი თვითმმართველობის არჩევნებში, ეს მათ ნებაზე არ არის დამოკიდებული. რეალურად, ისინი ამას ვერ შეძლებენ, რადგან იმ პერიოდისთვის, როდესაც ადგილობრივი თვითმმართველობის არჩევნები ჩატარდება, 4 ოქტომბერს, ეს პარტიები პოლიტიკურ ველზე უბრალოდ აღარ იარსებებენ,"- აცხადებს პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე.