ამ სამარცხვინო აქტს შესაბამისი შეფასება სჭირდება, არა მარტო სამართლებრივი, არამედ საერთაშორისო აქტორების მხრიდან - რატი იონათამიშვილი ცესკოში მომხდარ ინციდენტზე

ამ სამარცხვინო აქტს შესაბამისი შეფასება სჭირდება, არა მარტო სამართლებრივი, არამედ საერთაშორისო აქტორების მხრიდან, - განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარემ რატი იონათამიშვილმა.

„განსაკუთრებით იმ ადამიანების და ორგანიზაციების მხრიდან, რომელიც საარჩევნო პროცესებს აკვირდებოდა ჩვენს ქვეყანაში, ვინაიდან ეს იყო აშკარად წინასწარ დაგეგმილი, განზრახული ძალადობის აქტი და პროვოკაცია, რომელიც მიზნად ისახავდა, რომ ასეთი ძალადობის ფორმით ჩაეშალა შემაჯამებელი სხდომა ცესკოში“, - აღნიშნა რატი იონათამიშვილმა.

„ერთიანობა - ნაციონალური მოძრაობის“ წარმომადგენელმა დავით კირთაძემ გიორგი კალანდარიშვილს შავი ფერის სითხე შეასხა.