„ალტ-ინფოს“ მხარდამჭერებმა პარლამენტთან ლგბტ თემის დროშა დახიეს

პარლამენტის მიმდებარე ტერიტორიაზე „ალტ-ინფოს“ მხარდამჭერებმა ლგბტ თემის დროშა დახიეს. საკანონმდებლო ორგანოსთან აქცია 12 საათიდან მიმდინარეობს.

როგორც შეკრებილები აცხადებენ, პარლამენტთან მიმდინარე აქციის შემდეგ აპირებენ გადაინაცვლონ „ქართული ოცნების“ ცენტრალურ ოფისთან, რათა, იქ გააპროტესტონ „თბილისი პრაიდის“ კვირეულის ფარგლებში დაანონსებული ღონისძიებები.

მათივე განმარტებით, მმართველი პარტიის ოფისის შემდეგ ევროკავშირის ოფისთან აპირებენ გადანაცვლებას.