აჭარის უმაღლეს საბჭოში გახარიას პარტიის ორ წევრს - გოჩა გუგუნავასა და ირაკლი ბოლქვაძეს უფლებამოსილება შეუწყდათ

აჭარის უმაღლეს საბჭოში გახარიას პარტიის ორ წევრს - გოჩა გუგუნავასა და ირაკლი ბოლქვაძეს, უფლებამოსილება შეუწყდათ. უფლებამოსილების ვადამდე შეწყვეტის საფუძვლად, სხდომების არასაპატიო მიზეზით გაცდენა დასახელდა.

მათი ადგილები, სურვილის შემთხვევაში, სიით მომდევნო წევრებს დაეთმობათ, რადგან პარტიას „გახარიას საქართველოსთვის“ სიები უმაღლეს საბჭოში არ ჩაუხსნია.

საკითხი დღეს რიგგარეშე სესიაზე განიხილეს.