უკრაინის სასამართლომ ცნობილ რუს მომღერალს დაუსწრებლად პატიმრობა შეუფარდა - რა ელის გაზმანოვს

უკრაინის სასამართლომ ოლეგ გაზმანოვი დაუსწრებლად დააკავა - ამ ინფორმაციას უკრაინული მედია ავრცელებს. 

გენპროკურორის ირინა ვენედიქტოვის ცნობით, უკრაინის სასამართლომ რუს მომღერალს, ოლეგ გაზმანოვს დაუსწრებლად პატიმრობა შეუფარდა და მისი საერთაშორისო ძებნის გამოცხადების პროცედურა დაიწყო.

გაზმანოვი უკრაინის ტერიტორიული მთლიანობისა და ხელშეუხებლობის ხელყოფის ბრალდებით, სისხლის სამართლის კოდექსის 110-ე მუხლით გაასამართლეს, რაც თავისუფლების აღკვეთას ხუთ წლამდე ქონების კონფისკაციით ან მის გარეშე გულისხმობს.

ცნობისთვის, ვენედიქტოვამ თავის ანგარიშში გაზმანოვის ცნობილი სიმღერიდან "ოფიცრები" ფრაზა გამოიყენა და რუსები იგულისხმა: 

"ჩვენ უკრაინაში გვჯერა, რომ ოფიცრები (რუსები) დღეს უკრაინაში დანაშაულს სჩადიან და ამიტომ, ჩვენ ხშირად ვართ ხმელეთზე, ისინი ხშირად ზღვაზე არიან და ჩვენ ვერანაირად ვერ შევხვდებით ერთმანეთს - მხოლოდ სასამართლოში." - ამბობს ვენედიქტოვა.

როგორც UNIAN-მა ადრე იტყობინება, უკრაინამ დაიწყო ოფიციალური პროცედურა რუსი რეჟისორის ნიკიტა მიხალკოვის საერთაშორისო ძებნილთა სიაში შეყვანის თაობაზე.