"ცოცხალი დაბრუნდი უკრაინიდან" - უკრაინა რუსი ოკუპანტების ოჯახებისთვის ცხელ ხაზს აამოქმედებს

დღეს, რუსეთის სამხედრო ძალებში მყოფი ჯარისკაცების ოჯახის წევრებისთვის ცხელი ხაზი სახელწოდებით „ცოცხალი დაბრუნდი უკრაინიდან“ ამუშავდება, - ამ ინფორმაციას უკრაინის შინაგან საქმეთა მინისტრის მრჩეველი ანტონ გერაშჩენკო სოციალურ ქსელში ავრცელებს. 

"ამ ცხელი ხაზის მეშვეობით შეგიძლიათ დააზუსტოთ, ჯერ კიდევ ცოცხლები არიან თუ არა თქვენი ნათესავები, ტყვედ ხომ არ ჩავარდნენ, დაჭრილები არიან თუ არა, ან მოაგვაროთ გაიგოთ, თუ როდის და როგორ შეგიძლიათ მიიღოთ თქვენი დაღუპული ნათესავის ცხედარი.

თუკი თქვენი ნათესავი ჩვენთან იმყოფება ტყვედ, შეგიძლიათ თქვენი ქმრის, ვაჟისთვის მოკლე შეტყობინება დატოვოთ,“ - დაწერა გერაშჩენკომ Telegram-ზე.