სისასტიკე ვერასდროს გატეხს თავისუფლების ნებას, რუსეთი ვერასდროს გაიმარჯვებს უკრაინაში - ბაიდენი

რუსეთი ვერასდროს გაიმარჯვებს უკრაინაში, – ამის შესახებ სოციალურ ქსელ „ტვიტერში“ აშშ-ის პრეზიდენტმა, ჯო ბაიდენმა დაწერა.

ბაიდენის თქმით, სისასტიკე ვერასდროს გატეხს თავისუფლების ნებას.

„დღეს მე ვიმეორებ, რაც ერთი წლის წინ ვთქვი, როდესაც რუსეთი შეიჭრა უკრაინაში – დიქტატორი, რომელიც მიისწრაფვის იმპერიის აღდგენისკენ, ვერსადროს წაშლის თავისუფლების მიმართ ხალხის სიყვარულს. სისასტიკე ვერასდროს გატეხს თავისუფლების ნებას. რუსეთი ვერასდროს გაიმარჯვებს უკრაინაში, ვერასდროს“, – წერს ბაიდენი.

ბაიდენის თქმით, ფართომასშტაბიანი ომის დაწყებიდან ერთი წლის შემდეგ უკრაინა კვლავ დამოუკიდებელი და თავისუფალია.

„დღეს, ერთი წლის შემდეგ, რაც დაბომბვა დაიწყო, უკრაინა კვლავ დამოუკიდებელი და თავისუფალია. ხერსონიდან ხარკოვამდე – უკრაინელმა მებრძოლებმა დაიბრუნეს თავიანთი მიწა. რუსეთის მიერ გასულ წელს დაკავებული ტერიტორიის ნახევარზე მეტ ნაწილში, უკრაინული დროშა კვლავ ამაყად აღიმართა“, -აღნიშნავს ბაიდენი.

Today, a year after bombs began to fall, Ukraine is still independent and free.

From Kherson to Kharkiv – Ukrainian fighters have reclaimed their land.

And in more than half of the territory Russia held last year, the Ukrainian flag proudly waves once more. pic.twitter.com/6pv7eBL9gj

— President Biden (@POTUS) February 24, 2023