შოლცი: საშინელმა და შემზარავმა სურათებმა მოაღწია ჩვენამდე უკრაინიდან, ბუჩაში, რომელსაც რამდენიმე დღის წინ რუსი სამხედროები აკონტროლებდნენ, დახვრეტილია მშვიდობიანი მოსახლეობა

საშინელმა და შემზარავმა სურათებმა მოაღწია ჩვენამდე უკრაინიდან. ბუჩაში, რომელსაც რამდენიმე დღის წინ რუსი სამხედროები აკონტროლებდნენ, დახვრეტილია მშვიდობიანი მოსახლეობა, მათ შორის ქალები, ბავშვები და მოხუცები, – ამის შესახებ გერმანიის კანცლერი ოლაფ შოლცი სოციალურ ქსელში წერს.

„მოვითხოვ, საერთაშორისო ორგანიზაციებს მიეცეთ წვდომა ამ ტერიტორიებზე, სისასტიკის დამოუკიდებლად დასაფიქსირებლად. ჩვენ დაუღალავად უნდა გამოვიძიოთ რუსი სამხედროების დანაშაულები და დამნაშავეები პასუხისგებაში მივცეთ“, – წერს ოლაფ შოლცი.

შეგახსენებთ, რომ უკრაინის ქალაქ ბუჩადან რუსეთის შეიარაღებული ძალების გასვლის შემდეგ, ქალაქში მშვიდობიანი მოქალაქეების ცხედრები იპოვეს.