"შემიძლია, ეს მიმართვა კარგი ახალი ამბით დავიწყო..." - ვოლოდიმირ ზელენსკი

"ჩვენ გავუძელით და მტრის თავდასხმებს წარმატებით ვიგერიებთ", – ამის შესახებ უკრაინის პრეზიდენტმა, ვოლოდიმირ ზელენსკიმ მოსახლეობისადმი მორიგ მიმართვაში განაცხადა.

მისი თქმით, კიევსა და დედაქალაქის ირგვლივ საკვანძო ქალაქებს უკრაინული არმია აკონტროლებს.

„შემიძლია, ეს მიმართვა კარგი ახალი ამბით დავიწყო: ჩვენ გავუძელით და მტრის თავდასხმებს, წარმატებით ვიგერიებთ.

ოკუპანტებს სურდათ ჩვენი სახელმწიფოს ცენტრის დაბლოკვა და აქ საკუთარი მარიონეტების განთავსება, როგორც - დონეცკში.

ჩვენ ჩავშალეთ მათი გეგმა. მათ ჩვენზე ვერანაირი უპირატესობა ვერ მოიპოვეს. ჩვენს ქუჩებში, კიევის ცაზე, ვასილკოვში, ვიშგოროდში მიმდინარეობს ბრძოლა კიევისთვის.

მტერმა ჩვენს წინააღმდეგ გამოიყენა ყველაფერი: რაკეტები, გამანადგურებელი მოწყობილობები, უპილოტო თვითმფრინავები, არტილერია, დივერსანტები, დესანტი...

ოკუპანტები საცხოვრებელ უბნებს უტევენ. ცდილობენ, ენერგოობიექტების განადგურებას. ძალიან მზაკვრული ტაქტიკა აქვთ“, – განაცხადა ვოლოდიმირ ზელენსკიმ.