საქართველოს უნივერსიტეტი უკრაინის მხარდასაჭერად ერთ მილიონ ლარს გადარიცხავს

 საქართველოს უნივერსიტეტი უკრაინის მხარდასაჭერად თითოეული სტუდენტის სახელით ერთ მილიონ ლარს გადარიცხავს. ამის შესახებ განცხადებას თავად უნივერსიტეტი ავრცეებს.

მათივე ცნობით, უკრაინაში საქართველოს ბედიც წყდება.

„საქართველოს უნივერსიტეტი, თითოეული სტუდენტის სახელით, #უკრაინის #მხარდასაჭერად 1 000 000 ლარს გადარიცხავს.

#თავისუფლება არის მთავარი ღირებულება, რაზეც დგას საქართველოს უნივერსიტეტი.

ჩვენ გაგვაჩნია პასუხისმგებლობა ჩვენი სტუდენტების წინაშე, რომ მივცეთ მათ არა მხოლოდ კარგი განათლება, არამედ ხელი შევუწყოთ მათი თავისუფალ სამყაროში ცხოვრების და განვითარების შესაძლებლობას.
ვთვლით, რომ უკრაინაში საქართველოს ბედიც წყდება. ამ ომში ბოროტება აუცილებლად უნდა დამარცხდეს.
სტუდენტების, კურსდამთავრებულების, ლექტორების და ადმინისტრაციის სახელით, თანადგომას ვუცხადებთ უკრაინელ ხალხს.  

დიდება თავისუფლებას!“, - აღნიშნულია საქართველოს უნივერსიტეტის განცხადებაში.