ქრთამი კრიპტოვალუტითა და ათობით ბინით - უკრაინაში სახალხო დეპუტატები დააკავეს

სახალხო დეპუტატები რეკონსტრუქციის სფეროში კორუფციულ საქმეებში გამოჩნდნენ. ერთ-ერთმა პარლამენტარმა უკრაინის ისტორიაში პირველად, ბიტკოინებით ქრთამი გადაიხადა.
21 ნოემბერს, ეროვნული ანტიკორუფციული ბიუროს დეტექტივებმა ჩაატარეს ფართომასშტაბიანი ოპერაცია და დაადგინეს კორუფციის მთელი სქემები, უკრაინის წინააღმდეგ რუსეთის ომის შედეგად დაზიანებული ინფრასტრუქტურული ობიექტების აღდგენისას.
საინტერესოა, რომ ქრთამის აღების ფაქტზე ეჭვმიტანილთა შორის არის ორი ცნობილი მოქმედი დეპუტატი. და უკრაინის ისტორიაში პირველად, კრიპტოვალუტა ქრთამის სახით გამოჩნდა.

„სქემა“ მილიარდად
კერძოდ, დილით სამართალდამცველები ხმელნიცკის ოლქიდან სახალხო დეპუტატის, სერგეი ლაბაზიუკის ჩხრეკისთვის მივიდნენ. ის არის ცნობილი პარლამენტარი და სამშენებლო და სასოფლო-სამეურნეო ბიზნესის ნახევარი წილის მფლობელი.

NABU-ს ცნობით, ბიურომ და სპეციალიზებულმა ანტიკორუფციულმა პროკურატურამ, სხვა ჩინოვნიკებთან ერთად, ამხილეს ლობაზიუკი, რომელიც ცდილობდა მოისყიდა ჩინოვნიკები, რესტავრაციის სფეროში.

გამომძიებლებმა დაადგინეს, რომ მიმდინარე წლის აგვისტოში დეპუტატმა მიმართა რეკონსტრუქციის სამინისტროს მაღალჩინოსანს თხოვნით, რომ მის კომპანიას მიაწოდოს მილიარდი გრივნას ღირებულების კონტრაქტები ინფრასტრუქტურის ობიექტების აღდგენისთვის. ამისათვის ლობაზიუკი დაჰპირდა "ჯილდოს" თითოეული კონტრაქტის ღირებულების 3-5% -ს, დასძინა NABU-მ.

შემდგომი შეთანხმებების კოორდინაციისთვის სახალხო დეპუტატმა კომპანიის დირექტორიც ჩართო. უკრაინის ერთ-ერთ რეგიონში დანგრეული ხიდის აღდგენის ხელშეკრულებისთვის 50 მილიონი გრივნას მიღების შემდეგ, პარლამენტარმა რწმუნებულის მეშვეობით სახელმწიფო აღდგენის სააგენტოს მამხილებელ თანამდებობის პირს დაპირებული პროცენტი - 150 ათასი დოლარი გადასცა.

ქრთამის გადაცემა დედაქალაქის ერთ-ერთი სუპერმარკეტის ავტოსადგომზე მოხდა. აღნიშნავს NABU.

ქრთამი ბიტკოინში
NABU-ს დღევანდელი სპეცოპერაციის კიდევ ერთი მონაწილე არის სახალხო დეპუტატი ანდრეი ოდარჩენკო. ის ხარკოვის 170-ე ოლქში „ხალხის მსახურის“ პარტიიდან აირჩიეს.

საინტერესო ფაქტია, რომ ოდარჩენკო პარლამენტის ანტიკორუფციული პოლიტიკის კომიტეტის წევრია და დღეს ის ბიტკოინებით ჩინოვნიკის მოსყიდვის მცდელობისას დააკავეს.

NABU-ს ინფორმაციით, ხალხის წარმომადგენელმა რეკონსტრუქციისა და ინფრასტრუქტურის განვითარების სახელმწიფო სააგენტოს ხელმძღვანელს ბიტკოინის კრიპტოვალუტით ქრთამი, 50 ათასი დოლარის ეკვივალენტი შესთავაზა. ამ თანხის სანაცვლოდ ოდარჩენკომ დახმარება სთხოვა, ფონდიდან მიეღო თანხები რუსეთის ფედერაციის შეიარაღებული აგრესიის შედეგების ლიკვიდაციის მიზნით, მის კონტროლის ქვეშ მყოფი ინფრასტრუქტურის ობიექტის შეკეთებისთვის.

მას შემდეგ, რაც ფონდიდან თანხები რეკონსტრუქციის სახელმწიფო სააგენტოდან მამხილებელ-ჩინოვნიკის კრიპტო-საფულეზე გამოიყო, ქრთამის პირველი ტრანში - 10 ათასი დოლარის ეკვივალენტი იქნა მიღებული.

"ეს არის პირველი უკანონო სარგებელი კრიპტოვალუტაში ანტიკორუფციული ხელისუფლების ისტორიაში, რომელიც დადასტურებულია. საგამოძიებო მოქმედებები მიმდინარეობს", - აღნიშნავს NABU.

ათობით ბინა "მომსახურების" სანაცვლოდ.
რესტავრაციის სექტორში კიდევ ერთი კორუფციული სქემა, რომელიც დღეს NABU-ს დეტექტივებმა გამოავლინეს, დაკავშირებულია არა დეპუტატთან, არამედ კერძო კომპანიის მფლობელთან.

მან ქრთამის სახით შესთავაზა თემების, ტერიტორიების და ინფრასტრუქტურის განვითარების სამინისტროს მაღალჩინოსანს უძრავი ქონება, მის მიერ აშენებულ ახალ შენობებში, საერთო ფართი 5 200 კვადრატულ მეტრზე მეტი, რომლის სავარაუდო ღირებულება 170 მილიონ UAH-ზე მეტია.

ამისთვის ჩინოვნიკს ძალაში უნდა დაეტოვებინა კომპანიასთან დადებული ხელშეკრულებები სამინისტროს მიწაზე საცხოვრებელი კომპლექსის მშენებლობის შესახებ, ასევე ხელი შეეწყო საჭირო ნებართვების მოპოვებაში. დანაშაულის ჩადენის დასამალად, ქონება უნდა დარეგისტრირებულიყო უმაღლესი თანამდებობის პირის სანდო წარმომადგენლის სახელზე.

დანაშაულის გამოვლენის დროს, დეტექტივებმა და პროკურორებმა დოკუმენტურად დააფიქსირეს კიევში 15 ბინის რეგისტრაცია სანდო პირის სახელზე. წერს korrespondent.net