პუტინმა ბირთვული ძალების სპეციალურ რეჟიმზე გადაყვანის ბრძანება გასცა

რუსეთის პრეზიდენტმა ვლადიმერ პუტინმა ბირთვული ძალების „განსაკუთრებული რეჟიმზე" გადაყვანის ბრძანება გასცა, რაც რუსეთის სტრატეგიული სარაკეტო ძალების ყველაზე მაღალი დონის რეჟიმია.

„ძვირფასო მეგობრებო, თავადაც ხედავთ, რომ დასავლეთის ქვეყნები რუსეთის მიმართ არა მხოლოდ არამეგობრულად მოქმედებენ, არამედ ისინი არალეგიტიმური სანქციების დაწესებით ჩვენს ეკონომიკურ სფეროსაც ეხებიან. ამასთან, ნატოს წამყვანი ქვეყნების მაღალი რანგის ლიდერები რუსეთის მისამართით აგრესიულ განცხადებებსაც აკეთებენ.

აქედან გამომდინარე, თავდაცვის მინისტრს და გენერალური შტაბის ხელმძღვანელს გაძლევთ ბრძანებას, შეკავების სტრატეგიული ძალები განსაკუთრებული მზადყოფნის რეჟიმში გადაიყვანოთ" - აცხადებს პუტინი.