NATO უკრაინას ბიოლოგიური, ქიმიური, რადიოლოგიური და ბირთვული საფრთხეებისგან თავდაცვაში დაეხმარება

NATO-ს გენერალური მდივნის, იენს სტოლტენბერგის განცხადებით, უკრაინას ბიოლოგიური, ქიმიური, რადიოლოგიური და ბირთვული საფრთხეებისგან თავდაცვაში ალიანსი დაეხმარება.

"დღეს, ჩვენ შევთანხმდით გავაკეთოთ მეტი, მათ შორის კიბერუსაფრთხოების უზრუნველყოფა, ასევე, სამხედრო აღჭურვილობა, რომელიც უკრაინას დაეხმარება თავი ბიოლოგიური, ქიმიური, რადიოლოგიური და ბირთვული საფრთხეებისგან დაიცვას", - თქვა სტოლტენბერგმა NATO-ს საგანგებო სამიტის დასრულების შემდეგ.

სტოლტენბერგმა თქვა, რომ შეშფოთებულია იმით, რომ რუსეთი ცდილობს, უკრაინა და მისი მოკავშირეები ქიმიური იარაღის გამოყენების მომზადებაში დაადანაშაულოს. მისივე განმარტებით, სხვების დადანაშაულება საბაბის შექმნაა, რათა თვითონ გააკეთონ იგივე.

როგორც სტოლტენბერგი ამბობს, ქიმიური იარაღის გამოყენება მთლიანად შეცვლის "კონფლიქტის ბუნებას".