კრემლს ჯერ არ სურს ფიასკოს აღიარება, მაგრამ ეს დრო ახლოსაა - უკრაინის თავდაცვის მინისტრი

„მაშინ, როცა ვიღაცას უკრაინაში ცის დახურვის ეშინია, ჩვენი არმია თავის საქმეს აკეთებს და მტერს ანადგურებს“, - ამის შესახებ უკრაინის თავდაცვის მინისტრმა,  ალექსეი რეზნიკოვმა განაცხადა.

მისი თქმით, მტერს მნიშვნელოვანი დანაკარგი აქვს.

„კრემლს ჯერ არ სურს ფიასკოს აღიარება, მაგრამ ეს დრო ახლოსაა. საოკუპაციო ძალებში უკმაყოფილება და მათი დემორალიზაცია იზრდება. მტერს მნიშვნელოვანი დანაკარგი აქვს, მათი 90-მდე თვითმფრინავი და ვერტმფრენია განადგურებული. დატყვევებულია მათი ზოგიერთი მფრინავი. ისინი მნიშვნელოვანი მოწმეები არიან მომავალ სამხედრო ტრიბუნალზე. მაშინ, როცა ვიღაცას უკრაინის ცის დახურვის ეშინია, ჩვენი არმია თავის საქმეს აკეთებს და მტერს ანადგურებს“, - აღნიშნავს მინისტრი.