კიევი ყოველმა მეორე მცხოვრებმა დატოვა - ვიტალი კლიჩკო

კიევის მერი ვიტალი კლიჩკო აცხადებს, რომ კიევი ყოველმა მეორე მცხოვრებმა დატოვა და ახლა ქალაქში ორ მილიონზე ნაკლები ადამიანი იმყოფება.

როგორც კლიჩკომ განაცხადა, ამის მიუხედავად, კიევი ახლა ციხესიმაგრედ იქცა.

„რუსების მთავარი მიზანი კიევის დაპყრობა, კიევის ალყაში მოქცევაა, რათა შემდეგ შეუტიონ და ხელისუფლება დაამხონ. მათი გეგმები არ ხორციელდება ჩვენი ბიჭების დახმარებით. ბუჩა, ვორზელი, ირპენი, ჰოსტომელი ის ადგლებია, სადაც ცხარე ბრძოლები მიმდინარეობს. ჩვენი ბიჭები კიევის ალყაში მოქცევის გეგმებს შლიან. ბოლო მონაცემებით, ყოველმა მეორე კიეველმა ქალაქი დატოვა, ახლა კიევში ორ მილიონზე ცოტა ნაკლები ადამიანი დარჩა. ამის მიუხედავად, კიევი ახლა ციხესიმაგრედ იქცა“, – განაცხადა ვიტალი კლიჩკომ.