იენს სტოლტენბერგი ნატოს სამიტზე საქართველოსა და უკრაინის ლიდერების მიწვევას მხარს უჭერს

ჩრდილოატლანტიკური ალიანსის გენერალური მდივანი იენს სტოლტენბერგი ნატო-ს 2022 წლის სამიტზე საქართველოსა და უკრაინის ლიდერების მიწვევის იდეას მხარს უჭერს.  ამის შესახებ მან ესპანურ გამოცემა „ლა ვანგუარდიასთან“ ინტერვიუს დროს განაცხადა.

„ვთვლი, რომ ეს კარგი მოედანია პარტნიორებთან შეხვედრისთვის, თუმცა ვფიქრობ, გვჭირდება ფორმატის განსაზღვრა. მოუთმენლად ველოდები სამიტს“, – განაცხადა სტოლტენბერგმა.

ცნობისთვის, ნატო-ს სამიტი მადრიდში, 29-30 ივნისს გაიმართება.