„გახარებული“ ძროხები და შედეგი, რომელიც გაგაოცებთ - ახალი და უცნაური მეთოდი, ძროხების წველადობის გასაზრდელად

ზამთარში ფერმაში ძროხებს ვირტუალური რეალობის სათვალე გაუკეთეს, რათა თავი „ზაფხულის მინდვრებში“ ეგრძნოთ. ამ გზით მათ აღმოაჩინეს, რომ პირუტყვი უფრო მეტ რძეს გამოიმუშავებდა. ამის შესახებ უცხოური გამოცემა წერს.

როგორც ფერმერებმა აღმოაჩინეს, საზაფხულო მდელოების გამოსახულება ძროხებს უფრო ახარებს, როდესაც ისინი ღეჭავენ თივას შეზღუდულ სივრცეში. შედეგად, ისინი ფერმერებისთვის მეტ რძეს აწარმოებენ.

გამოცემის ცნობით, ვირტუალური რეალობის სათვალე შემუშავდა ვეტერინარებთან კონსულტაციით და გამოიცადა მოსკოვის ფერმაში. ამასთან, გავრცელებულია ინფორმაცია, რომ თურქეთის ქალაქ აქსარაიდან, ფერმერმა იზეტ კოჩაკმა ისინი წარმატებით გამოცადა ორ ძროხაზე.

როგორც ფერმერი ამბობს, რძის წარმოება 22 ლიტრიდან 27 ლიტრამდე გაიზარდა.

„ისინი უყურებენ მწვანე საძოვრებს და ეს მათ ემოციურ სტიმულს აძლევს. ისინი ნაკლებ სტრესს განიცდიან“,- ამბობს ფერმერი. 

გამოსახულებაში პირუტყვებს შეუძლიათ დაინახონ ძირითადად ყვითელი და ლურჯი ჩრდილები.

ძროხების სურათები მალევე გავრცელდა სოციალურ ქსელში, სადაც ხალხი ყურსასმენებს ფილმ „მატრიცას“ სცენებს ადარებდა.

ეს არ არის პირველი შემთხვევა, როდესაც ფერმერი ალტერნატიულ იდეებს იყენებს მეტი რძის მისაღებად. წარსულში ის ასევე ცდილობდა კლასიკური მუსიკის დაკვრას თავისი ძროხების გასახალისებლად.