ევროკავშირის სამი ქვეყანა უკრაინისათვის კანდიდატის სტატუსის მინიჭებას ეწინააღმდეგება - ოლგა სტეფანიშინა

ევროკავშირის სამი ქვეყანა უკრაინისათვის კანდიდატის სტატუსის მინიჭებას ეწინააღმდეგება,- ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში უკრაინის ვიცე-პრემიერმა, ოლგა სტეფანიშინამ განაცხადა.ინფორმაციას უკრაინული მედია ავრცელებს. 

„საერთოდ, ევროკავშირის შვიდმა ქვეყანამ წინადადება დააფიქსირა სხვა ფორმატზე, მათ შორის სთავაზობდნენ პირობითი კანდიდატის სტატუსს. იყო ბევრი განსხვავებული წინადადება, მაგრამ რეალურად სამი ძირითადი ქვეყანაა, რომელსაც არ სურს უკრაინისათვის მწვანე შუქის ანთება“, - აღნიშნა უკრაინის ვიცე-პრემიერმა.

ოლგა სტეფანიშინამ უარი თქვა აღნიშნული ქვეყნების დასახელებაზე, რადგან ამან შეიძლება საფრთხე შეუქმნას საბოლოო გადაწყვეტილების მიღებას უკრაინისათვის კანდიდატის სტატუსის მინიჭებასთან დაკავშირებით.

მან ხაზგასმით აღნიშნა, რომ ნებისმიერი გადაწყვეტილება, რომელიც უკრაინისათვის ევროკავშირის კანდიდატის სტატუსის მინიჭებას არ ითვალისწინებს, თავად ევროკავშირს შეასუსტებს.