„ამას გავიგებთ მინიმუმ, 8 და მაქსიმუმ, 14 მარტს“ - რას პროგნოზირებს ასტროლოგი რუსეთ-უკრაინის ომზე

ასტროლოგი რამაზ გიგაური სოციალურ ქსელში იმ ადამიანებს პასუხობს, რომლებსაც აინტერესებთ, როდის დასრულდება რუსეთის თავდასხმა უკრაინაზე.

ასტროლოგის პასუხს უცვლელად გთავაზობთ:

„ბევრი ადამიანი მწერს როდის შეიძლება დასრულდეს ეს ომი. პროგნოზის გაკეთებისთვის აუცილებელია წერტილი (ფესვი), საიდანაც იწყებ დინამიკის ათვლას.

მაგალითად, პირად ჰოროსკოპში ეს არის ადამიანის დაბადება. ნებისმიერ ტიპის ჰოროსკოპში თუ ეს წერტილი არ გაქვს, იყენებ ზოგად პროგნოზს, რომლითაც შეიძლება "დაინახო" მხოლოდ ერთი პიკი, ერთი "ტალღა", თუმცა მას შეიძლება მოჰყვეს სხვებიც. ზუსტად იგივე ხდება "პანდემია როდის დასრულდება?" ამბავში.

ეს ხდება აქაც. სად და როდის მოხდა პირველი დარტყმა, არ ვიცი. ამიტომ გამოვიყენოთ ზოგადი, ანუ მიმდინარე პერიოდის ჰოროსკოპი.

ამ ციკლის მიხედვით ეს არის 11 მარტი. +/- 3 დღე.

შეიძლება ეს იყოს საომარი მოქმედებების შეწყვეტა, შეიძლება იყოს რაღაც შემოტრიალების წერტილი. ამას გავიგებთ მინიმუმ, 8 და მაქსიმუმ, 14 მარტს. მშვიდობა და გამარჯვება უკრაინას! რუსეთი უნდა დაინგრეს!“