ზელენსკიმ უარყო ცნობები იმის შესახებ, რომ უკრაინა შორ მანძილზე მოქმედ ამერიკულ შეიარაღებას რუსეთის ტერიტორიაზე სამიზნეებზე დასარტყმელად იყენებს

უკრაინის პრეზიდენტმა, ვოლოდიმირ ზელენსკიმ უარყო ცნობები იმის შესახებ, რომ უკრაინა შორ მანძილზე მოქმედ ამერიკულ შეიარაღებას რუსეთის ტერიტორიაზე სამიზნეებზე დასარტყმელად იყენებს.

ზელენსკის დაუსვეს კითხვა გამოცემა The Wall Street Journal-ის მიერ გავრცელებულ იმ ინფორმაციის შესახებ, რომ აშშ-მა მოხსნა ყველა შეზღუდვა რუსეთის სამიზნეებზე შორ მანძილზე მოქმედი იარაღის გამოყენებასთან დაკავშირებით.

უკრაინის პრეზიდენტმა განაცხადა, რომ მის ქვეყანას აქვს შორ მანძილზე მოქმედი შესაძლებლობების მკაფიო გამოყენება, რომლებიც უკრაინული წარმოებისაა და რომელთა მოქმედების რადიუსი 150 კმ-დან 3000 კმ-მდეა.

„საკითხავი ისაა, როგორ მოვიზიდოთ დამატებითი ფინანსები, რათა მასობრივად ვაწარმოოთ ის შორ მანძილზე მოქმედი შესაძლებლობები, რომლებიც გვაქვს“, - თქვა ზელენსკიმ.

„ჩვენ არ გამოგვიყენებია შორ მანძილზე მოქმედი ამერიკული იარაღი რუსეთში კონკრეტულ სამიზნეებზე დარტყმისთვის. ჩვენ გამოვიყენეთ სხვადასხვა იარაღი, რომლებსაც აქვთ შორ მანძილზე მოქმედი შესაძლებლობები, მაგრამ ეს იყო ექსკლუზიურად იმ ტერიტორიაზე, სადაც მიმდინარეობს საომარი მოქმედებები. ასე ვიტყოდი“, - დასძინა მან.