ზელენსკი - რუსები თავს დაესხნენ ხალხს, როდესაც ისინი პენსიებს იღებდნენ, ეს არ არის სამხედრო მოქმედება, ეს არის ტერორიზმი

უკრაინის პრეზიდენტი ვოლოდიმირ ზელენსკი აცხადებს, რომ რუსულმა ჯარებმა დონეცკის ოლქზე მორიგი საჰაერო თავდასხმა განახორციელეს. მისივე ცნობით, თავდასხმის შედეგად, სულ მცირე, 20 მშვიდობიანი მოქალაქე დაიღუპა. მისივე ცნობით, თავდასხმის მომენტში ისინი პენსიების აღებას ცდილობდნენ.

დონეცკის რეგიონული სამხედრო ადმინისტრაციის ხელმძღვანელმა, ვადიმ ფილაშკინმა განაცხადა, რომ თავდასხმის შედეგად, სულ მცირე, კიდევ 20 ადამიანი დაშავდა.

„რუსები თავს დაესხნენ ხალხს, როდესაც ისინი პენსიებს იღებდნენ. ეს არ არის სამხედრო მოქმედება, ეს არის სუფთა ტერორიზმი“, – წერს ზელენსკი ტელეგრამაში.