VIDEO: ტვინში ჩადგმულმა იმპლანტმა პარალიზებული კაცი „აალაპარაკა"

ტვინში ჩადგმულმა იმპლანტმა პარალიზებული კაცი „აალაპარაკა". ინფორმაციას უცხოური მედია ავრცელებს. 

გამოცემის ცნობით, კაცს, რომელსაც BRAVO1-ად მოიხსენიებენ, 20 წლის ასაკში ინსულტი დაემართა, რის შედეგადაც მას ანართრია, ანუ მეტყველების უნარის მოშლა განუვითარდა.

კალიფორნიის უნივერსიტეტში მომუშავე მეცნიერთა მიერ შექმნილმა ნეიროპროთეზმა ტვინისა და კომპიუტერის ერთმანეთთან დაკავშირება და 1 000-ზე მეტი სიტყვის ამოცნობა გახადა შესაძლებელი, რისი მეშვეობითაც პაციენტთან კომუნიკაცია გამარტივდა.

ავტორები ამბობენ, რომ კაცის საყვარელი ფრაზაა: „ყველაფერი შესაძლებელია", რაც სიმბოლურია, რადგან ახალი ტექნოლოგიის წყალობით მისთვის მართლაც უკვე ყველაფერია შესაძლებელი.