უცხოური მედიის ცნობით, აშშ-ის სამხედრო ავიაციის მიერ იემენის დაბომბვას სამი ადამიანი ემსხვერპლა, ორი კი დაშავდა

აშშ-ის სამხედრო ავიაციის მიერ იემენის დაბომბვას სამი ადამიანი ემსხვერპლა, ორი კი დაშავდა.

ადგილობრივი მედიის ინფორმაციით, აშშ-ის ავიაციის სამიზნე ჰოდეიდას რეგიონი გახდა.

არსებული ინფორმაციით, თავდასხმა წყლის კომპანიის ინფრასტრუქტურაზე მოხდა.

იემენის ხელისუფლება სამოქალაქო ინფრასტრუქტურის დაბომბვის გამო აშშ-ს საერთაშორისო სამართლის და კონვენციების დარღვევაში ადანაშაულებს.

პარალელურად, იემენელი „ჰუსიტები“ აცხადებენ, რომ, ამერიკული აგრესიის საპასუხოდ, თავდასხმა მოხდა წითელ ზღვაში მცურავ აშშ-ის სამხედრო გემებზე. იემენში აცხადებენ, რომ თავდასხმის დროს რაკეტები და უპილოტო აპარატები გამოიყენეს.