უსახლკარო ძაღლი თავისით მივიდა ვეტერინარულ კლინიკაში და დახმარება ითხოვა

ნალჩიკში, უსახლკარო ძაღლი, სახელად ბარბოსი, ვეტერინარულ კლინიკაში დახმარებისთვის დამოუკიდებლად მივიდა და რეგულარულად ასრულებდა მკურნალობის კურსს, ერთი ინიექციაც კი არ გამოუტოვებია. ამის შესახებ ინფორმაციას SHOT ავრცელებს.

ბარბოსი კლინიკის კართან შენიშნეს, სადაც ის ელოდა, როდის შეამჩნევდნენ. ვეტერინარებმა ძაღლი გასინჯეს, ტკიპები ამოუღეს და ართრიტი აღმოაჩინეს, რაც მისი კოჭლობის მიზეზი იყო. მას ინიექციების ერთკვირიანი კურსი დაუნიშნეს იმ პირობით, რომ არცერთი პროცედურა არ უნდა გამოეტოვებინა.

ძაღლმა მორჩილად შეასრულა რეკომენდაციები და წარმატებით დაასრულა მკურნალობა. ახლა ის თავდაჯერებულად დგამს ნაბიჯს თავის მტკივნეულ თათზე და ახალი ნაცნობები ეძებენ მისთვის ახალ სახლს და მზრუნველ პატრონებს.